Un grupo de 80 sendeiristas procedentes de diversos puntos da comunidade galega deron un novo impulso ao programa ‘Goza do Ulla’. O sábado pasado, día 1 de xullo, citáronse no Concello de Touro para facer a ruta ‘Unindo camiños polas sombras do Ulla’. No programa ‘Goza do Ulla’ participa un total de 20 concellos bañados polo río que percorre as provincias de Lugo, Pontevedra e A Coruña. O sábado citáronse ás 9.00 horas diante do Concello de Touro. Os sendeiristas percorreron unha senda de valor botánico e natural que transcorre baixo un pasadizo sombrío onde os sendeiristas poideron disfrutar da presenza de bosque mediterráneo, atlántico e de ribeira. “Un fermoso tramo de bosque encantado”. Este foi o comentario que máis se poido escoitar durante o percorrido. Os sendeiristas poideron descubrir os restos dos pazos de Rosende e de San Cristovo, pequenos muíños, antigas ouriceiras que salpican os frondosos soutos e pequenas fervenzas e o emblemático Pozo do Pego.Un grupo de 22 peronas, ao rematar a ruta, comeu na parrilla de Ponte Remesquide. “Foi un baño de natureza en estado puro”, coincidiron en comentar os sendeiristas ao final do camiño.
